周麗淇（Niki）昨日聯同屬於同公司的天水圍飛馬球員，出席在灣仔會展舉行的亞洲遊戲展2008，Niki與球員即場在遊戲機上比拼球技，但沒有打機天份的Niki顯然雞手鴨腳。
Niki每年也會出席支持遊戲展，喜歡玩賽車遊戲的她，習慣睡不着便會在家奮力打機，直至疲倦入睡，但她只會獨自打機，從未試過上網找對手，她說：「好怕唔知同啲乜嘢人一齊打。」
盼找專一男友
聖誕將至，Niki表示在公司已送出近60份禮物給同事，至於當中有否發展的異性，Niki斬釘截鐵說：「冇，呢個唔係我嘅聖誕禮物，只希望身體健康、順利。」談到會否希望減少緋聞，Niki說：「我不嬲好專一，我要搵一個專一嘅人。」對於是否暗示舊愛鄭嘉穎不專一，Niki說：「我冇講過佢唔專一。」