近排娛樂新聞日日倪震，頭版日日ATV，這些新聞事不關己無驚喜，行行吓海防道竟然發現一個大蘋果周街派禮物，唔係戴得大眼仔Con多有幻覺嘛？睇真啲原來《蘋果日報》逆市冲喜，未到聖誕大派禮物，實行幫大家打打氣。
記者：蒙為亮
攝影：陳陶鈞
蘋果仔現身
繼派粥派米與市民同步過冬後，有特擊隊在尖沙嘴海防道大派聖誕禮物，而且絕非小恩小惠。案發時間中午十二時，可能是放午飯時間關係，所以頭半小時反應一般，街坊只是好奇，只停留駐足觀看，因此蘋果仔決定主動出擊，向OL埋手，不過又可能是太熱情關係，慘吃檸檬，就是被她們用「好趕時間」藉口推卻。
蘋果仔情急智生變陣，轉向小朋友入手，結果一矢中的，小朋友飛飛見蘋果仔外形討好，不但接受邀請玩遊戲，更攬頭攬頸同蘋果仔影相，身旁家長都樂此不疲玩埋一份，就是這樣一傳十十傳五十，排隊人龍竟長達五十多人，差點被商場的保安哥哥驅趕，情況認真墟冚，MissionI大功告成。
一擊即中有得Fun
來到第二站鰂魚涌，我看到個「靈異」現象，車還未停定，已經有數十名市民不知從那裏得的消息，守候蘋果特擊隊大駕光臨。本以為斯文白領OL未必肯排隊玩擲波仔遊戲，但出奇地人龍也不遜於尖沙嘴，而且更加有持續上升的趨勢，鰂魚涌更是卧虎藏龍之地，市民投籃技巧分分鐘準過KobeBrian，有些上年紀的公公婆婆依然寶刀未老，就如雷先生一樣一射即中，滿載而歸之餘，得獎一刻更是笑到見牙唔見眼。有時開心就係咁唾手可得，Mission2也在與眾同樂的笑聲中完成。
蘇氏一家：「我特登等蘋果車攞禮物，的確無令我失望，我攞咗支Dove沐浴露，開心呀。」
陳太太：「我一向係《蘋果日報》讀者，有開報睇到𠵱家，有活動當然支持啦。」
飛飛與母親：「𠵱家人心惶惶，唔係失業就負資產，《蘋果日報》做番啲開心嘢，個人都精神啲。」
廖先生：「好有創意，呢啲嘢通常都係TVB做，估唔到《蘋果日報》都咁有噱頭，抵讚。」
逆市冲喜 《蘋果》有嘢送
即日起至12月22日，《蘋果日報》的大蘋果禮物車將會走遍港九新界，派發超過20,000份禮物，總值超過$100,000，只要拎住當日《蘋果》報頭，就有機會玩遊戲兼送禮物畀你，等你歡歡喜喜過聖誕。
