科技大學校長朱經武早幾日喺意大利獲頒「艾托里馬約拉納．伊利斯科學和平獎」（EttoreMajorana-Erice-ScienceforPeacePrize），一齊攞到呢項殊榮嘅仲有台彎中央研究院物理科學家吳茂昆，表揚兩人透過科技促進世界和平。呢個獎以往嘅得主來頭都好勁，好似已故教宗若望保祿二世、諾貝爾物理學獎得主李政道都係和平獎得主。
華裔物理學家朱棣文最近獲奧巴馬提名做能源部部長，原來朱經武同朱棣文係好朋友。朱校長話，兩人都係超導物理專家，但研究各走極端，佢搞高溫超導，朱棣文就係低溫超導。朱棣文仲係科大高等研究院顧問，遲啲正式成為美國政府內閣成員，有可能因為身份敏感會辭咗科大個職位。