雖然最近金融海嘯影響經濟，不過一班靚女似乎不受影響，依然工作不斷，昨日趙碩之、文詠珊（JaniceMan）和賈曉晨（JJ）各自出席活動搵真銀，當中以趙碩之一身泰山look最搶鏡。
趙碩之跟三名赤膊的非洲男士一同打鼓，她身穿泰山裝卻露出內裏的豹紋bra，記者笑言非洲人應該不戴bra，趙碩之笑說：「靚啲sharp啲。」她表示之前不喜歡男士太健碩，現在卻喜歡肌肉型，因為可以保護她。
JJ否認扮一姐
JaniceMan昨日則到黃埔美食坊示範做甜品，有傳她工作失場，JaniceMan再次澄清沒有此事，她說：「我真係冇接過嗰份工作，呢件事影響我聲譽，我怕真係有人信，呢段報道我真係好介意！」她承認工作減少了，但全因金融海嘯，問到損失多少？她說：「唔敢諗唔敢計，我𠵱家先識驚，都有慳啲使，因為我下年諗住置業，就當趁低吸納。」
另一位靚女JJ昨日就在小西灣出席聖誕活動，不過她打扮密實，毫無睇頭。她透露母親於平安夜生日，她計劃替母親賀壽。
此外，前晚JJ與裕美及高皓正等到商台錄聖誕歌，她表示有拍電影、劇集、唱片和寫真集，事後有指她晒命扮一姐，她耍手擰頭說：「唔係呀，公司輪住捧人㗎。」
採訪、攝影：王崇穎、何慧斯、藍嵐