劉德華和蔡卓妍（阿Sa）分別膺最強人氣廣告天王天后，華仔笑說拍廣告才是他的正職，阿Sa今年已接拍超過10個廣告，沒有拍檔鍾欣桐（阿嬌），阿Sa依然吃香，好像比以往有更多工作。不過阿Sa不忘維護阿嬌，表示依然想與嬌一同接拍廣告，一於有錢齊齊搵。
劉德華、蔡卓妍、王祖藍和陳志雲等昨日出席在尖沙嘴舉行的「2008最強人氣品牌大獎」頒獎禮，華仔與阿Sa分別獲頒最強人氣廣告天王和天后獎座，阿Sa就算單飛發展，依然受廣告商歡迎，今年已接拍逾10個廣告，不過阿Sa表示收入並未因個人發展已特別增多，她說：「以前Twins時候酬勞係兩個人，𠵱家一個人嘅酬勞，都唔會相差得太遠。」
華仔拍廣告當正職
雖然自淫照事件爆發後，阿Sa全年差不多個人發展，但她仍然十分照顧好姊妹鍾欣桐，阿Sa坦言：「我就梗係想單拖同兩個人都有廣告拍喇，邊有人嫌多㗎，華仔都話拍廣告係正職啦。」
華仔在台上笑言：「其實拍廣告先係我正職。」他出席完活動後，便會遠赴美國拍汽車廣告，華仔坦言：「拍廣告嘅收入多過唱歌同拍戲好多，我做巡迴都唔係賺好多錢咋。」問華仔得到這個獎項，是否比得到其他獎項開心，求錢不求獎？華仔說：「咁又唔係，不過我今年都唔會出席任何頒獎禮，因為我要喺北京拍戲，𠵱家頒獎禮改晒制，一定要出席先有獎，我都想盡量參與，如果大家唔去都有獎咁就好啦。」華仔看好陳奕迅會得到亞太區最受歡迎香港男歌星獎。
此外，陳志雲被問到亞視近日的風波，他一改以往有問必答作風，他說：「因為大家都係同行，我身份嘅關係，唔適合有乜嘢回應，真係唔好意思。」
採訪：胡比 攝影：陳志嵐
