聖誕節這個奉旨閃的節日，連衣着打扮都要由頭閃到尾，閃妝實在不可缺。不過閃妝潮流不斷變，佳節要以最佳狀態示人，即跟化妝師Ivy學用Shiseido最新「TwinkleTwinkleMAQuillAGE」系列，以及今年人氣話題之作，Shiseido與時裝設計師ChristopherKane合作之粉盒。記得睇埋網上《完美主義》學黐閃石呀！
記者：曾玉瑩
攝影：譚盈傑
Model：Algie@PureModels
今日主題：聖誕閃妝
Ivy於97年加入資生堂擔任專業美容顧問，曾參與各大報章雜誌及時裝表演等攝影化妝，亦曾與多位藝人合作。經驗豐富。
節目內容簡介：每年一到聖誕都會有好多唔同嘅Ball或者Function要出席，而且出動時間多數係夜晚，所以帶閃粉或者閃爍效果嘅妝容必成熱門。今次邀請了ShiseidoMAQuillAGE化妝師IvyWong，示範用D.I.Y聖誕閃妝。
網址： http://beauty.appledaily.com
逢星期五 12:30pm
艷光四射派對妝
好多時眼部都係妝容的重點，尤其係聖誕節，可以用誇張且帶閃的顏色突出眼部輪廓，這樣足令成個妝容更立體。化閃粉時記緊要適可而止，否則太多閃粉會令雙眼浮腫㗎！
先用手指沾上啫喱閃粉印於雙眼兩側C字位，用手指以打圈方式慢慢推開閃粉，令效果更均勻。
再用金色眼影掃於眼皮位置。然後於雙眼皮位置掃上啡紅色眼影。
以黑色眼線筆畫一條上眼線，之後用啡紅色眼線啫喱，在貼近睫毛位置畫一條完整上眼線。
閃爆妝物
必上閃底碎粉
帶閃爍效果的幼細碎粉，是補妝及Highlight必備，一方面可吸走臉上多餘油份，又可令臉部輪廓更突出！
四色閃妝
跟住就輪到學用四色閃眼影放於眼妝上，以四色帶閃眼影造出漸變效果，有效加深眼部輪廓，簡單卻搶眼。
先將白色眼影粉掃於眉骨位置，令眼妝貼服。再將淺藍色眼影粉，掃喺眼皮中間位置。
將深藍色眼影粉掃於雙眼皮眼線位，造出漸變效果。跟住用銀灰色眼影粉，由眼尾位置開始向下眼線位置掃。
再用黑色眼線筆，畫一條完整上眼線及用銀藍色眼線啫喱，喺近睫毛位置畫一條上眼線。
閃爆妝物
橙色更自然
眼妝已經夠誇張，所以胭脂只適宜作Shading用途，由顴骨向鼻翼位掃，唔好太重手呀！
閃妝你要知！
加閃石
想於妝容加閃石，除了使用本身有黏力的閃石外，也可用雙眼皮膠水將閃石黐上，而位置最好選擇在面上不經常郁動的部位，如眉骨、額頭或者C字位等，閃石會Last得更耐呢！
做圖案
希望效果更誇張，可以先用軟身紙剪出圖案，再用帶閃粉顏色的妝物印上臉，Shiseido全新DramaticalGelLiner，除可作眼線用途，更可用作印圖案之用，因為其本身屬Gel狀，顏色又夠實，不易脫色！
易卸妝
以閃粉、閃石等化妝，造出誇張效果，卸妝一定不可馬虎。方法是把沾有卸妝油的棉花放在沾有閃粉或閃石的部位上約10至20秒，待卸妝油滲透至最底層，再向同一方向抹走閃粉及細粒閃石就可以了！
查詢：25252522