一眾女藝人前晚盛裝出席一份雜誌的頒獎禮，楊思琦身穿一襲香檳金低胸裙艷壓全場，2R的Race、AmandaS.和MandyLieu也無懼嚴寒，齊穿低胸裝出現。吳浩康的新歡舊愛莊思敏和胡定欣前後腳出現，莊思敏坦言不會刻意與胡定欣傾偈。
城中一眾女星前晚往中環出席一份雜誌的頒獎禮，2R的Race、官恩娜、鄭嘉穎、名模AmandaS.、MandyLieu和AnaR.獲頒發CoverStarAwards；胡定欣、黃德斌和羽翹就奪得魅力大獎。
Race思琦騷胸
雖然Race、AmandaS.和MandyLieu無懼嚴寒齊以低胸裝示人，但她們卻不敵身穿CelynB香檳金谷胸裙的楊思琦，露出半球的思琦表示因為尊重大會才作性感打扮，不過她坦言會因應場合才以性感服飾示人。
吳浩康的新歡舊愛莊思敏和胡定欣前晚前後腳現身，兩人早前發生了電視城辱罵事件，展開隔空罵戰，前晚兩人有默契地前後腳出現，避免碰頭，先到場的莊思敏應朋友邀請到場做嘉賓，事前她不知道胡定欣會到場，不過她說就算碰面也不會尷尬。
莊思敏承認自從與胡定欣發生辱罵事件後，前晚二人首次同場見面，問莊思敏會否與胡定欣傾偈，她說：「未必嘞，咁嘈嘅環境，唔會刻意傾偈。」問她入場後會否恭賀胡定欣早前在無綫台慶奪獎，莊思敏尷尬笑說：「話就話識得，唔通無端端走埋去，咁會好奇怪，一陣又話我唔知博乜。」
徐自賢想整容
胡定欣表示是應公司安排出席活動，不過當問到她對莊思敏是否有恨意時，她避忌說：「唉！咁耐嘅事，唔好再提啦，自己來年希望唔單止少是非，亦希望帶啲好消息畀大家，拍拖嘅嘢順其自然。」
另外，AmandaS.透露被男友投訴見面時間少，所以她希望爭取更多時間陪伴男友，她說：「大家少見面，少咗溝通，所以聖誕節都想享受二人世界。」至於在現場與蕭定一傾到雞啄唔斷的徐自賢，她表示與蕭定一認識多年，至於是否傾整容問題時，她說：「唔係，不過整得靚都唔抗拒，我都滿意自己㗎，如果真係整都會問佢攞折扣。」
採訪：卓寶花 攝影：陳慧安
