讀過番書的關楚耀，跟外國人一樣最重視聖誕節，可惜今年要在工作中度過，當然不忘與緋聞女友衞詩開派對度佳節，他更自爆曾送指甲鉗給女友，因為他對女仔指甲特別敏感。
總覺得聖誕節氣氛和諧、甜蜜和溫暖，堅持要親友聚首慶祝，奈何關楚耀（Kelvin）要宣傳唱片《HelloMyNameIs…》第二版，假期排滿工作，他說：「冇辦法啦！今年市道咁差，有嘢做已經好好喇，但點都會同朋友一齊玩嘅。」Kelvin口中的朋友，會否包括緋聞女友衞詩呢？他很快便回答：「會，想同一班朋友過，唔單止佢，仲有謝安琪、張敬軒囉！想搞個聖誕party，一大班人過會窩心啲。」
「發誓唔再一個人」
強調要熱鬧地過聖誕節，皆因Kelvin曾有慘痛經驗，他說：「初入行嗰年公司安排我去台灣訓練，當時仲未識到朋友，自己過節，出街又見個個人一齊玩，自己一個真係幾孤單，所以我發誓唔可以再一個人喇！」以往在加拿大讀書，每年與家人舉行大食會，Kelvin負責做沙律。
女友須指甲整齊
Kelvin還提到最難忘一年是跟舊女友度過，問到二人會做些甚麼，他突然害羞地說：「拆吓禮物囉！」還以為他刻意浪漫送別具心思禮物，但他卻說：「我嘅禮物唔係送公仔咁簡單，係送指甲鉗。我有個怪癖，對女仔指甲特別敏感，要佢哋好整齊。」
採訪：王連連
攝影：陳俊強
場地提供：太古廣場 化妝：JohnathanY
髮型：TedofiiHairandNailSpa
