楊千嬅和緋聞男友丁子高昨日同場現身Gucci活動，千嬅一出現，丁子高就閃走避鋒頭。楊千嬅掃了近4萬元手袋做善事，她之前自認丁家人，昨日卻扮儍胡言亂語，一時自認家丁，一時指叮噹回到童話。
超級名牌Gucci每年都會推出特別版系列，為聯合國兒童基金會（UNICEF）籌款，今年的純白紅心TattooHeart系列，更找來搖滾小天后Rihanna拍廣告，系列收益25%將捐予UNICEF。
買近四萬蛇皮袋
Gucci昨日在裝修後重開的廣東道新店舉行活動，吸引了謝婷婷、麥浚龍、林峯、任達華和琦琦等捧場，楊千嬅以UNICEF大使身份支持，她和林峯更即場做善事，她買了一個$37,900的蛇皮袋，林峯連掃三個袋，埋單近4萬元。
千嬅緋聞男友丁子高昨日以公關身份在場打點，但千嬅一出現，丁子高就即時消失得無影無蹤。她早前在「東亞華星演唱會」，被許志安玩時自認丁家人，記者笑她丁家人走人，她詐儍扮懵說：「叮噹應該返咗童話，其實我係做家丁。」丁子高是否她的家丁？她說：「我屋企係用菲籍助理，我先係做家丁，要返工又要服侍父母。」
問千嬅丁子高是否刻意避開她？她說：「我唔知發生乜事，每個人都有自己工作崗位，要問番佢老細啦。」她又謂送了一對杯給梁漢文做結婚禮物，更負責頂酒，但會先用酒孝敬許志安，回敬她「丁家人」事件。
超盈被隔離兩月
同場，賭王何鴻燊四房長女何超盈捧UNICEF場，即場掃貓貓吊飾給老友唐貝詩做聖誕禮物，她說：「我以前返學幫UNICEF做義工，負責入信封，做咗幾年仲有證書，爹哋都有讚。」她早前氣管敏感，昨日見她越發消瘦，她說：「之前入院隔離咗兩個月，𠵱家要追番啲功課，媽咪（四姨太梁安琪）仲寄咗個電飯煲畀我煲粥，因為我食唔到嘢，自己煲粥食。之前真係唞唔到氣，又嘔，返香港都唔舒服，香港空氣仲差。」
採訪：LawWaiMan
攝影：DickyChan
