30年前的港姐冠軍朱玲玲上月改嫁，07年叱咤組合銀獎得主朱凌凌最近開騷，大家一定見過五條肉蟲的海報，他們為理想不顧後果，想做就去做。
朱凌凌在完成重演第一場的音樂劇《博到單車變摩托》後接受訪問，成員朱栢謙、朱栢康、楊偉倫、白只和陳文進表示今次是破釜沉舟，白只說：「人情卡或者信用卡都爆晒，我哋以前試過去文化中心出面石級求人哋聽我哋唱歌，今次好多人叫過我哋放棄，但係表演真係好過癮。」
百足咁多爪
自年初領獎後，朱凌凌也好像消失了，朱栢謙說：「有獎梗係開心，但係又唔會因為咁而阻礙我哋做想做嘅project。」來年他們會回歸樂壇，不過仍然會百足咁多爪，朱栢謙說：「我哋身份係band，但係一樣會做埋劇場，遲啲有機會，仲希望有埋我哋自己嘅電影。」還望朱凌凌能和朱玲玲一樣，有着讓人艷羨的美麗結局。
採訪：藍文浩 攝影：陳順禎 服裝：Eclosion