麥浚龍(Juno)一向都搞作多多,經常有唔同嘅idea,日前Juno為新歌《從此世界多了一分鐘》拍MV,現場搭建咗一個十幾呎高嘅天台景,Juno要飛落街,而之前已經試過吊威吔嘅Juno今次又要再吊,佢仲好似吊上癮咁,Juno話:「喺拍攝時一啲都唔驚險,反而最辛苦係要平衡身體,所以拍完都覺得條頸同腰都硬晒。」另外,Juno又要怒擲鬧鐘發洩,為咗一次過搞掂,所以拍攝時Juno可謂用盡氣力掟鬧鐘,由於出盡力,碎片散滿地上,好彩冇𠝹傷咋。