【本報訊】「太難搵工啦！呢幾個月唔只徬徨，仲感覺冇路可走，有諗過自殺㖭！」23歲青年劉嘉祺自言失業半年，努力搵工但徒勞無功，四日前因無錢交租被業主趕走，在通宵快餐店及球場露宿，身上僅剩兩元，四日來未有進食僅飲水維生。至昨凌晨終因體力不支險暈倒，自行報警求助，送院治理後已無大礙。
記者：梁維建 譚健文
阿祺幸無走上尋死之路，他出院吃過記者送贈的即食麵後，娓娓道出他的捱餓日誌。阿祺有父母及兩兄，自己是孻仔，一家住橫頭磡邨，中四輟學後，在物流公司任倉務員月薪13,000元，並離家租住長沙灣一個唐樓單位，月租2,600元。
阿祺後悔與家人關係欠佳，「我有嘢做嘅時候仲問家人借錢，又欠卡數10萬蚊，追數追上門，家人覺得我成日問佢哋攞錢，又欠卡數，我呢幾日打畀阿媽，阿媽仲話唔理我瞓街！」
社工「幫唔到我」
半年前因公司蝕錢，阿祺被裁員頓變失業大軍，他自言努力搵工，「淨係見工冇通知，日日如是，社工淨係識得同我傾偈，實際幫唔到我，自己咁後生，有手有腳，我唔想攞綜援！」阿祺欠租四個月，四日前被業主鎖閘趕走，無家可歸，連日來在通宵營業的快餐店、保安道球場的長凳上露宿，他賣了手機，身上僅餘百多元。
他續表示，因為不識路要乘的士找業主求他通融，買了香煙後僅得兩元。他自言四日來無食過任何東西，只飲過小量清水。至昨凌晨1時許，阿祺終敵不過飢腸轆轆，感到暈眩，在街頭電話亭致電報警求助，獲送院治理。
阿祺雖然聲言努力搵工，但正是「人揀工、工揀人」，做過廚房工人數日的他，卻嫌時間長「頂唔順」不做，難怪他說「好難搵工」。他最後說，若找不到棲身處，將到露宿者之家借宿。
阿祺母親對兒子「瞓街」顯得不大關心，只謂兒子沒有回家找他們。被問到兒子可否搬回家同住，她態度冷漠表示：「到時先算啦！」