前晚花旗聯儲局議息後將聯邦基金利率減到接近零，股市即時有反應，幾個主要指數分別升4至5巴仙。
投資者好關心本地銀行跟唔跟花旗減息，結果大銀行話唔減，細銀行惟有照跟。不過唔減息對個市冇乜大影響，恒指升330點收市，成交增至564億元。
噚日內房股表現幾好，中央不停推救樓市措施，睇嚟內房股升勢仲會持續一段時間。另外，中建材（3323）亦以大成交升破100日線，後市上升動力會增強。
中建材C輪14669：中建材昨收9.01元，升14巴仙，下個位睇10.50元，破位上望12元，可以諗吓隻C輪14669，昨收18.3仙，有效槓桿2.5倍，正股升上10.50元同12元，14669分別會見26.5仙同35.8仙，試關遇阻就先行獲利，正股跌穿8.20元就沽咗隻輪止蝕。
俊樺