倪震偷食致與周慧敏分手，竟然觸發一場不可收拾的罵戰，力撐倪震的白韻琴，繼續向舊愛蕭若元及蕭定一父子開火，白姐姐在電話中表示收到倪震的SMS，指倪震否認兩份分手聲明都是出自他的手筆，她然後開始謾罵蕭氏父子，她說：「兩父子藉呢件事宣傳自己新人，蕭定一就唔好拎出來批評，費事反彈，佢自己仲賤，五十步笑百步。」
譏諷謝偉俊
蕭若元昨日聽到白韻琴再撐倪震，踩自己兒子蕭定一，未有即時動怒，卻又妙語連珠反彈白姐姐教「仔」有方，他說：「我係對自己個仔失望，佢才華冇倪震咁好，我同倪匡都係教子無方，唔及得白姐姐教謝偉俊教得咁事業有成，等我哋都send倪震同阿一去跟佢學嘢，只要唔使跟白小姐上床就得喇！」
蕭定一否認批評倪震的私生活，不過他又指出倪震的人格有問題，他說：「我作為朋友，介紹羽翹畀佢識，點知佢就背住話我，佢人格都好有問題。」
採訪、攝影：比華利