鄭詩韻與施念慈前夫陳鴻業拍拖3年多，中途經過離離合合和官司等，兩人昨日有情人終成眷屬，拉埋天窗結婚。鄭詩韻千萬嫁妝出閣，她卻深切體會行動勝於千言萬語，「大家經歷咗咁多嘢，唔使愛的宣言」。
鄭詩韻（Michelle）與陳鴻業（Alan）拍拖3年多、訂婚一年多，昨日終於拉埋天窗，兩人早上在薄扶林道的古蹟伯大尼修道院行禮，晚上在君悅酒店筵開38席及開派對慶祝。
新娘鄭詩韻（Michelle）
年齡：34歲
學歷：加拿大多倫多大學經濟系
背景：母親鄭陶美蓉是法國國家巴黎銀行的東北亞洲區域總裁，父親鄭寶勇經營物流生意
新郎陳鴻業（Alan）
年齡：29歲
背景：布廠太子爺，02年與施念慈結婚，04年分居，同年離婚
自言場面感動冇喊
昨日早上11時，鄭詩韻乘坐藍色勞斯萊斯花車到場，她穿ElieSaab婚紗、戴表姊夫阮偉文設計的頭冠和耳環，許晉亨外甥郭永聰則唱聖詩。行禮後拍照時，鄭詩韻匆匆回答了兩句，她說：「好感動，好彩我都冇喊到。」有否愛的宣言？她說：「Alan話大家經歷咗咁多嘢，唔使愛的宣言啦。」她透露農曆年才會離港度蜜月。
新娘的表姊榮文蔚說：「表妹之前想bid一個皇冠，但bid唔到，我都有啲象牙花、鑽石咁，所以由老公設計咗送畀佢。」
鄭詩韻結婚，母親陶美蓉送了多套珠寶給她做嫁妝，當中包括5卡梨形鑽石戒指、蘇富比60卡百萬頸鏈、一對RonaldAbram的10卡鑽石耳環、一隻古董錶和5卡黃鑽戒指等，奶奶也送了大套金飾、龍鳳鈪、金豬連8隻小豬頸鏈等給新抱。
陳加玲再數林國雄
至於晚上在君悅舉行的喜宴，出席的包括何鴻燊、潘廸生、傅明憲，還有之前狂數姐夫林國雄的陳加玲。陳加玲昨晚以「嗰隻嘢」形容林國雄，她說：「一路以來啲人以為嗰隻嘢出家，唔好侮辱出家人，佢話出又唔出，搞大家姐（陳秀雯）個肚，又走咗去幾年，唔係好爸爸、好丈夫。呢隻嘢用出家包裝人格，其實好賤格！」又指林國雄愛用「陳秀雯丈夫」名義四出借錢，呼籲身邊朋友不要上當。
採訪：LawWaiMan
攝影：ChanChiLam
