圈中女藝人成日被傳斷背，何韻詩日前俾許志安取笑戀事，安仔當晚話阿詩同隔籬班嘅容同學拍拖，咁啱容祖兒同何韻詩關係友好，難免令人諗到容同學就係指祖兒。噚日祖兒喺將軍澳電視廣播城開工，佢話：「我唔係唯一一個姓容，你哋問番安仔。」問祖兒同阿詩嘅關係，佢話：「朋友囉，未反面，今日唔知聽日事，𠵱家未係敵人。」