吳君如同錢嘉樂主持嘅無綫節目《星星同學會》噚日喺將軍澳電視廣播城舉行拜神儀式，君如突然搭住嘉樂膊頭話「我係珊珊」，擺明玩嘢啦！現場啲工作人員聽到，個個都話out咗喇，𠵱家係盈盈先啱，搞到嘉樂無奈以笑帶過。之後嘉賓譚詠麟（阿倫）出現，見佢頸度戴住塊玉佩，佢一見到君如就話：「戰狼三百，我專登帶個盾牌頂住君如。」