【本報訊】「吸毒害你一生，唔好俾人唆擺，要堅定啲……」三名同因受朋友影響沉淪毒海的青年，在接受福音戒毒後，其中一人不但成功戒掉毒癮，並投身福音戒毒工作。昨日他們代表所屬的戒毒團體，奪得第三屆無毒聖誕盃七人足球賽亞軍後接受記者訪問，以過來人寄語年輕人不要為了附和朋友，或不想被指「冇膽」而嘗試吸毒。 記者：卓永強
早在14歲時已誤入歧途跟朋友索K食搖頭丸的阿濤（21歲），年前在西貢北潭涌基督教得生團契戒毒成功後，留下來協助其他入營人士戒毒，「覺得自己嘅生命仲未調整完，想學多啲嘢。」他說，看見吸毒者在他的協助下戒除毒癮，「好有成功感」。
回想也覺浪費與後悔
阿濤憶述吸毒經歷時不勝欷歔，他當年除受朋友影響外，與家人不和也有很大關係，出於逃避心理，他學朋友索K食搖頭丸，至18歲賺到錢更服食冰毒，「食咗冰覺得大膽咗，乜嘢都唔驚，成日同人打交，終於喺06年因為打架被捕，被判入得生團契接受福音戒毒。」他原無宗教信仰，但在團契職員耐心教導下，他加入了教會，除成功戒除毒癮外，與家人關係也轉好。
在得生團契接受戒毒3個月的阿恆（18歲），3年前在髮型屋工作時，因朋友一句話：「喂，咁開心，一齊食，唔好掃興啦。」他就這樣付出第一次「試食K仔」，結果食上癮。他說：「當時月薪六千蚊，四千蚊花喺索K上，𠵱家諗番覺得好浪費同後悔。」同樣於13歲時因朋友影響而飲咳藥水及食K仔的阿賢（17歲）說：「當時想唔食，但唔食俾人話冇膽」，結果染上毒癮。
七人足球賽在跑馬地遊樂場舉行，共有八隊參加，由禁毒處禁毒義工團奪得冠軍。