美國前總統克林頓早前嚟香港，接受港大頒發名譽博士，政壇元老李鵬飛幫公民黨黨魁余若薇新書《悄悄話》寫文，透露多年前克仔訪港一單趣聞。飛哥指當日克仔同本地政界人士會面，一入場就行埋當時做大律師公會主席嘅余若薇身邊，係人都知克仔風流成性，飛哥話當時佢心諗：「這次余若薇有難了！」
余大狀今次將網誌文章結集，加咗好多新料出書，有多幅從未曝光舊照片，包括結婚時婚紗相同孕婦照，又搵到十個政壇重量級人馬兼好友，寫下佢哋眼中的余若薇，飛哥係其中一位，陳方安生則讚Audrey喺公職、妻子、母親三重身份中從容自若，華叔話「有花有刺是薔薇」，指Audrey剛柔並濟。新書今個星期出街。