「才子」偷食斷正，好多人都戥「靚女」唔抵之餘，仲摷番才子以前啲衰嘢嚟講，例如佢成日恃住自己揸筆搵食，唱衰靚女嘅追求者「衫鈕」，搞到人哋事業下滑。
狂數缺點
關仁知道其實俾才子害到好慘嘅人仲有好多，好似靚女同才子拍拖之前，嗰個歌手男朋友就係其中之一。話說當年歌手男朋友同靚女拍緊拖，才子因為同靚女合作睇中咗佢，明知人哋有男朋友，就千方百計用盡甜言蜜語橫刀奪愛，最衰仲係喺靚女面前成日講歌手男朋友壞話，話歌手男朋友好鬼大男人主義，同佢一齊實唔會有幸福，結果靚女同歌手男朋友分手，投向才子懷抱，而歌手因為大受打擊而無心事業，真係冇陰功。
Textby關仁
