李彩華（Rain）前晚到銅鑼灣時代廣場欣賞《吸血新世紀》（Twilight）首映，本來她與林小明前妻趙雪英同行，但最終趙雪英因病缺席，而唐貝詩、許願及張瑪莉等都有捧場。
不談解約問題
阿Rain談到與寰宇解約一事，她說：「我到今日仲係寰宇嘅人，呢啲咁敏感，唔講住，拍埋套20集電視劇先算。」她透露月中會到珠海及澳門拍內地電視劇，她說：「可能過年得三日假咋。」
阿Rain表示現時經濟不景，幸好她仍有不少工作，除了拍劇，聖誕又將到內地登台，酬勞不俗。她又說：「前幾日我先去完深圳一茶園做騷，酬勞唔錯，又食又拎呀，當地人不停送禮畀我，又衫又茶餅咁，啲茶成萬蚊一餅㗎，走時成車都係，有啲唔好意思，分分鐘啲禮物仲貴過酬金。」
採訪、攝影：藍文浩