由葉念琛執導的新戲《保持愛你》再度由御用女主角鄧麗欣（Stephy）擔演，但男主角不再是其緋聞男友方力申，而是側田。前晚Stephy和側田到荃灣拍外景，葉念琛在場監督，側田母親和妹妹也來探班。
「我成日撩鼻屎」
前晚戲份講述側田向Stephy示愛，不過卻慘食檸檬，問側田現實生活中是否同樣經常被女仔拒絕？他說：「係呀，由細個到大個，雖然唔係100%都俾女仔拒絕，但計番都係拒絕比接受嘅多。」問側田為何經常被女仔拒絕？他苦笑說：「我諗係因為我樣衰、矮、身材唔好、儍仔同麻煩。」不過在旁的Stephy卻大唱反調說：「佢冧女不知幾犀利，又有一雙電眼，成日都唔自覺咁電人。」側田聞言即說：「梗係唔係，我又臭又成日撩鼻屎，冇人鍾意。」其實不知是否側田經常帽不離頭，才是被女仔拒絕的主因呢？
問側田在戲中與Stephy有沒有接吻戲？他表示：「Toobad，就係冇得錫。」Stephy笑言因為側田爛嘴，故此沒有咀嘴的機會，側田笑說：「咁咪好，唔使傳染畀人。」不過他投訴導演葉念琛曾告訴他和Stephy有咀戲，故此他要向導演追討。
採訪：王連連
攝影：仇志德
