田少淡出政壇，有更多時間入馬場，噚日出席國際馬匹拍賣會，用300萬元投到14號兩歲澳洲馬。佢指隻馬父系乃澳洲最貴配種馬「列度選擇」，血統好質素高，八方祝佢早日拉頭馬。
田少名下「新東武士」、「自由武士」及「影之武士」都已退役，因冇時間去外地揀蟀，故幫襯馬會入貨。佢話本來想買埋24號同25號，可惜佢買馬budget每隻上限300萬元，呢兩匹叫價太高，惟有忍手。
新馬未決定入邊個馬房，田少話會按慣例用「武士」命名，唔知會否叫「復仇武士」？田少向來數口精，今次首度幫襯馬會就搵到馬會着數，事關14號馬馬會購入價為375萬元，田少變相「賺咗」75萬元。