介紹過標榜「與大自然融為一體」的resort，回港後聽到朋友揶揄：「你就好啦！住得咁嘆！」真想回句：「嘆你個頭！」記得住resort時的一個早上，我見到貓咁大的老鼠在我眼前走過，我說服自己那是有城市樣的田鼠！晚上，躺在床上看書，3隻形狀不一的微型昆蟲經過，醒來時，小腿出現3種不同紅腫，唔需要柯南都知兇手是誰！行家P小姐的遭遇更慘：「我昨晚用手提電腦，有隻蜈蚣狀昆蟲鑽進鍵盤內！我立刻熄電腦，以免電腦發熱令佢留戀其中，等咗好耐，終於見到佢鑽出來，整死佢，居然變成一灘螢光液體消失咗！那不是昆蟲，是鬼呀！」下次住這種resort，我覺得需要開個X-File囉！
記者：馮冠芝