憑電影《爆粗Band友》人氣再升嘅日本男星松山研一，將擔正下月播出嘅新劇《錢武鬥》。新劇同樣改編自漫畫，松山飾演愛錢如命嘅主角蒲群風太郎，因為自細俾阿爸虐打，搞到左眼留低15厘米長嘅疤痕。首次演奸角嘅松山話唔擔心角色難演，反而最驚每次拍攝前都要提早入廠化兩個鐘頭妝，搞到佢冇時間瞓覺。