周慧敏其中一位圈中好友是古巨基，她曾為基仔的MV擔任女主角，二人熟稔起來全因為基仔緋聞女友助手Lorraine。當時Vivian由DJ轉做歌手，剛好Lorraine入行，她更擔任其保母，故此基仔與Vivian相熟全是因為Lorraine的關係。
「畀啲空間同時間佢」
基仔昨日到港台出席禁毒活動時，再次回應Vivian與倪震分手一事，他透露事情發生以來只致電Vivian一次，之後便以短訊聯絡，他說：「我都係打過一次畀佢，內容我就唔講啦，佢心情平靜，呢段時間畀啲空間同時間佢啦，應該好多人會打畀佢。」
有指Vivian與倪震會再開設第二間桌球室，基仔指有聽聞過此事。記者追問基仔會否介紹男士給Vivian認識時，他嘆了一口氣說：「𠵱家未係時候，將來係點諗唔到咁多，我覺得件事快啲降溫對靚女（指Vivian）係最好嘅事。」
外界有傳兩封聲明都是出自倪震手筆，基仔表示近日有很多傳聞，他說：「街度都有好多傳言同揣測，議論紛紛，我唔發表啲乜嘢啦，我只係尊重朋友嘅決定。」問到基仔會否覺得二人19年情終結很可惜？他說：「好難去界定可唔可惜，學佢哋所講轉個身份，係值得珍惜嘅事。」另外倪震的緋聞女友名單一日比一日多，基仔重申傳聞的事不作回應，他只希望討論這件事的熱度盡快降溫。
採訪、攝影：葉雪