上周五港股曾大跌過千點，收市雖然跌少咗，但仍大跌855點，當晚花旗股市反覆上升，股民憧憬花旗政府會透過財政部向車廠作出臨時撥款，港股嗰邊嘅ADR普遍顯著反彈，今朝恒指應該可以裂口高開，輪到好友大挾淡倉。
除咗3大車廠可能獲救外，聯儲局本周議息之後料會大幅減息，對股市嘅氣氛都會有啲幫助。中石化（386）ADR喺花旗升咗5.4巴仙，今日可以留意。
中石化C輪15699：中石化上周五收4.99元，回試位處4.78元嘅20日線現支持，今日應該可以重拾升勢，升破5.57元就睇6.15元，可以買啲C輪15699短炒，隻輪現價84仙，有效槓桿2.9倍。
正股升上6.15元，15699可見1.50元，正股跌穿4.60元就沽咗隻輪止蝕。
俊樺