相信大家都知道，上個禮拜有兩名電訊業從業員，入咗弱勢電視台做嘢都冇幾日，該台新聞部已有好幾個高層離開。大家又可能聽過佢哋走嘅原因，係因為新行政總裁問咗幾條問題，佢哋唔識答所以就走。
答不到的問題
重溫，嗰幾條問題包括：
1.成個新聞部有幾多人？
2.總共人工支出係幾多？
3.咁究竟整個新聞部一年總支出幾多？
大家可能會話：「以上幾條問題充滿銅臭味。唔通淨係一味講錢？」孫柏文覺得，作為高層答唔到嗰幾條問題都已抵炒，不過新行政總裁就明白事理得多。聽聞，睇到啲新聞部高層唔識答，佢嘅結論就係嗰間電視台嘅人對錢唔關心、小心。
咁新行政總裁就話：「大家可能覺得，只係專心追求做得好啲新聞節目同內容就夠，但係用錢時都要得平衡。咁以後用KPI大家有得跟啦。」高層聽到即問：「KPI？咩嚟㗎？」到呢刻，各人已感到天下無不散之筵席。
用KPI量度效率
KPI即KeyPerformanceIndicators，係管理學大師PeterDrucker非常支持，用嚟量度運作效率嘅客觀數據指標。電視節目KPI，就可能係節目支出同收視率要維持某個比例。
咁點解今日我揚言要學倪震？根據友報報道，倪震媾啲十八、廿二少女，畀電話號碼時，會話：「15分鐘即到。」事實證明，倪震呢個承諾，係其中一個可以令你成功媾女嘅KPI。15分鐘即到，我都要做得到。
最後，噚日點解曾特首落旺角？佢幾時變咗柯南？
孫柏文
http://phatdat.blogspot.com