林峯憑劇集《太極》段曉星一角榮獲新加坡《亞洲區電視大獎》最佳戲劇男演員殊榮，該劇第一男主角是趙文卓，不過無綫並未有為他報名參賽，而製作資源部總監樂易玲解釋是因為趙文卓不是無綫旗下藝人，所以未有為他報名，擺明車馬益自己人。
林峯失落上月舉行的《萬千星輝頒獎禮》之最佳男主角寶座，但憑劇集《太極》的段曉星一角就擊敗其他亞洲國家對手，榮獲新加坡《亞洲區電視大獎》之最佳戲劇男演員殊榮，雖然不知其他入圍4強的對手，但林峯都感到很高興。
感激提名人
昨日無綫為林峯假尖沙嘴香格里拉酒店舉行祝捷會，林峯在會上說：「仲以為係乜嘢獎！後來先知係成個亞洲頒獎禮，我知道以前木村拓哉都好似攞過呢個獎，咁我好想多謝揀我去報名嘅人同埋TVB。」早前失去台慶最佳男主角獎項，現在卻奪得《亞洲區電視大獎》最佳戲劇男演員獎，問會不會感到欣慰？林峯對此說：「係兩回事，一個獎還一個獎，咁《太極》喺年頭播，好多人會將重點放喺《家好月圓》同《四大名捕》度。」
《太極》當日在港收視只是一般，而趙文卓當時是首次答應拍攝無綫劇集，問林峯為何只有他有機會獲獎呢？他說：「《太極》本身富有中國色彩，同文化背景，至於點解報我名參加？我就唔清楚。」雖然不知道為何被選中參賽，但是林峯對於得獎未有感到奇怪，他說：「我點解覺得奇怪，其實我有份提名已經好光榮，呢套係我第一套功夫片，而且我覺得功夫係喺香港先拍到。」
胡杏兒落敗
製作資源部總監樂易玲專程到賀，問到為何第一男主角趙文卓以及女主角吳美珩無份代表《太極》參賽？樂易玲坦白承認因為趙文卓不是無綫合約藝人，她說：「講句真心話，佢（趙文卓）唔係TVB，唔係合約藝員，吳美珩都息影，呢個又係無綫劇，所以揀林峯同杏兒去報名。」
最近有指樂易玲被削權，她表示未有為報道不開心，她說：「我冇唔開心，同埋嗰樣嘢係咪真先得！講我哋（高層）OK！講我嘅藝人就緊張！」
採訪、攝影：楊潔雯