今期「壹仔」介紹日本殿堂級AV男優加藤鷹，唔少年過30嘅麻甩仔應該睇過佢嘅作品。
我覺得佢同《神探伽俐略》嘅男主角福山雅治好似樣，而且都係咁鹹濕（事關福山話自己鍾意睇AV同講鹹濕笑話），只係佢黑啲同皺紋多啲，福山就白啲同滑啲。查實𠵱家46歲嘅加藤大福山7年，唔知佢哋有冇可能係失散多年嘅親兄弟呢？
近排喺〈開倉版〉嘅走勢唔錯，今期心水係曼聯，希望佢哋幫我攞番個W。熱刺班友仔喺周中開聖誕派對，飲完玩完之後唔腳軟就奇，今晚對住個form幾好嘅曼聯，一於捧紅魔W。
主客和：曼聯勝
心得：熱刺狂歡完後腳仔軟
近5場往績：DWWWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。