上周六K-1WorldGP決賽，偶像哈利同荷蘭嘅邦查斯基爭呢條全年總冠軍金腰帶，點知哈利第一回合俾對手打低後，火到連規例都唔記得晒，第二回合竟然掃跌咗邦查斯基，落地仲濕咗佢兩拳兼踩多佢塊面一腳。
唉，K-1例係任何拳手被打到瞓低，對手係唔准再掂㗎嘛，哈利為搶番分數竟然做出一個咁愚蠢嘅違規動作，最後被拳證出示紅牌取消資格。呢一年哈利係咁打都係為咗條金腰帶，咁就冇咗！本月8號啱啱24歲生日嘅佢，都算遺憾。作為哈利天字第一號粉絲，09年繼續支持佢！至於買波喇喎，梗要支持我推介嘅巴塞啦。
主客和：巴塞隆拿勝
心得：近年最懸殊嘅國家打吡
近5場往績：LWLLW
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。