鄭欣宜前晚到海洋公園出席聖誕節亮燈儀式，今年是肥姐沈殿霞離世後的首個聖誕，欣宜表示以往聖誕節適逢婆婆生日，年年都會和媽咪返溫哥華，今年難免有點傷感。談到昔日和肥姐到海洋公園遊玩趣事時，欣宜竟大爆原來肥姐的花名是Panda（熊貓）。
聖誕節將至，前晚鄭欣宜到海洋公園擔任亮燈儀式的嘉賓，她和在場的小丑及海獅公仔一同在巨型聖誕樹前合照留念。今年是肥姐沈殿霞離世後首個聖誕節，欣宜預計會在工作中度過。
難忘遊園趣事
談到昔日到海洋公園的趣事，欣宜說：「我好鍾意嚟玩，因為呢度有好多機動遊戲，我記得當年我未夠高就要玩過山車，咁媽咪就陪我排隊玩，但到上車時，因為我唔夠高，所以工作人員唔畀我玩，媽咪同工作人員講畀我玩，結果都因為未夠高而冇得玩。」日前海洋公園的熊貓安安咬傷女工作人員，欣宜表示亦略有所聞，還大爆亡母的花名說：「我依然都好鍾意熊貓，因為媽咪個花名叫Panda（熊貓），所以好有親切感。」
秋官送大利是
問到老外男友會否陪伴過聖誕節？欣宜沒有正面回答，只說：「我大部份朋友都唔係香港人，所以佢哋都會返老家過節，我暫時未有乜嘢計劃。」至於會否和爹哋鄭少秋一家人過節，欣宜表示不清楚，更坦言從未和秋官一同過聖誕，因為每年聖誕都會和媽咪飛返溫哥華和婆婆一同慶祝婆婆生日。問今年會否倍思親？欣宜說：「都會有啲傷感，但唔會唔開心，我會諗住啲開心嘢。」欣宜又透露秋官會送上一封大利是作禮物表示心意。
採訪：王崇穎
攝影：陳志嵐
