倪震自被踢爆與城大女學生張茆啜爆夜店，成為他與相戀19年女友周慧敏（Vivian）分手導火線後，倪震立即潛水避傳媒，前日更發聲明引咎與Vivian分手，連日的爛攤子卻留給父親倪匡執手尾，難怪老父昨日透過記者教訓倪震。
「仲後生仔呀？」
記者昨日致電倪匡，問他會怎樣幫助兒子倪震平息風波？他抵死的說：「吓，我幫佢解決？我係神仙咩？」倪匡又說：「佢（倪震）都40幾歲人，仲係後生仔呀？我自己冇經歷過呢啲事，點樣指點佢？況且個仔嘅事都唔到我去理，佢哋咁大個人，自然有自己嘅決定，我從來都唔過問佢任何嘅嘢。」
倪匡雖恨抱孫，但Vivian卻公開表態不會為倪震生仔繼後香燈，但倪匡仍對Vivian讚不絕口，現在她無緣當倪家媳婦，他可會感到可惜？倪匡說：「冇喎。」可會致電失戀的Vivian安慰一下？他又說：「我從來都唔會打畀佢。」
採訪：葉雪