近期有指張栢芝已懷了個多月身孕，謝婷婷昨日在西九龍出席BMW新車發佈會時，聞言即驚訝表示不知情，她說：「係咩？你哋係第一個話畀我聽，乜唔係未夠100日唔講得？我未聽過（栢芝大肚），如果你哋講得咁真，我會問吓。」
否認媽咪霸道
對於栢芝媽被影到在西環食肆做樓面，有指全因狄波拉不准栢芝給家用娘家，婷婷對此說：「呢個太深喇，我唔識答，我唔知咁深入，媽咪冇理由咁，我哋一家人每次見面都好開心，不過我就少見佢。」莫非拉姑很霸道？婷婷說：「sheisveryhonest（坦率）。」
另外，拉姑前晚和丈夫鬍鬚Kong及友人去灣仔福臨門食飯，約晚上10時左右離開。
採訪：梁錦雯
攝影：陳俊強、娛樂突發組