細個好期待一年一度嘅《歡樂滿東華》，皆因以前娛樂唔多，屋企嘅長輩唔睇「油王」吳剛師傅都會追睇新馬仔，而望出街家家戶戶好夜仲開住電視，感覺似過大時大節，奉旨通宵達旦，邊個𡃁仔唔鍾意？
時代唔同，唔係Yumiko大家甚至唔記得《歡樂滿東華》，藍鑽石近年喺當晚有時都睇「油王」，只係阿巴莫域治嗰隊車路士，偶然睇波間場扭轉台昅昅，唯一高潮位怕且係臨收場魯振順、王俊棠等人爭做卡拉之星，其餘不提也罷。生活情懷不再，歷久常新嘅係老牌球會列斯聯喺英甲大晒，今博其反底。
主客和：列斯聯勝
心得：作客連敗後返主場有計
近5場往績：WWWWL
藍鑽石
與簡拿華路同日出生嘅囡囡入學，今季大把時間睇波，尤其係意甲。