人好多時有幾張面，公司一個樣、去wet又一個樣。侯城前鋒馬龍京治上周六對米杜士堡射入奠勝球，跟住落Club跳舞慶祝，估唔到換咗衫即變禽獸！當晚佢睇中一名20歲女子，於是先言語挑逗，後出手摸臀部，個女仔連聲叫「行開啲！」點知呢位1米85嘅球星，居然怒極出拳，打到個女仔斷鼻骨、嘴唇撕裂！在場人士即時報警，差佬嚟到時馬龍京治已經逃去無蹤。周三佢先去差館自首，目前保釋外出2月報到，希望法官替個女仔取回公道啦！