花旗股市前晚曾經升過成200點，但係有共和黨議員話會盡力阻撓拯救車廠嘅方案通過，幾個主要指數都急急回落，道指最後雖然仍升70點，但係市場樂觀嘅情緒已受影響。
眾議院通過咗拯救車廠計劃，但係仲要等參議院表決，聽共和黨資深參議員嘅講話，計劃有可能被否決，喺表決有結果之前，大家應該縮細番炒賣嘅注碼，因為近期港股升咗唔少，隨時會借勢調整。
新世界C輪15288：新世界發展（017）昨收7.68元，升咗9.4巴仙，成交連續第2日顯著增加，明顯追落後，下一個目標9.43元，即係100日線，可以諗吓隻C輪15288，隻輪昨收19.5仙，有效槓桿2.4倍，正股升上9.43元，15288可見30仙，正股跌穿7元，就沽咗隻輪止蝕。
俊樺