飛輪海噚日去到東京宣傳台灣觀光活動，日本小天后倉木麻衣擔任今次活動嘅特別嘉賓上台獻花。不過吳尊就好烏龍，聽錯咗倉木麻衣個名為倉木螞蟻。由於上次言承旭到日本有2000人接機引起大混亂，所以今次飛輪海到日本，成田機場要求佢哋公司唔可以公佈航班同行程，仲要求佢哋四個一出海關唔可以停落嚟握手，小瑪歌覺得使唔使咁緊張呀。