拍過多齣動作片，吳京在新片《狼牙》仍然繼續打，不過多了一個更重要的任務：做導演。動作演員兼任導演，吳京並非第一人，他自言為執導的首部作品加入了自認一向缺少的溫柔元素，說時手舞足蹈，對自己極有信心。
壓力巨大
對於能參與製作，吳京直言興奮，並感謝老闆黃柏高（Paco）對他有信心，他說：「畀着係你，你想唔想吖？可以order全世界，但係就要對老闆、觀眾、劇組同演員負責同交代。不過Paco真係好好，佢成日幫我減壓，叫我唔使擔心票房。」
吳京說：「做演員可以好主觀同自私咁諗自己個角色，但係做導演就要諗晒全局，仲要照顧埋大家嘅情緒。」
問到對新片最滿意之處，吳京說：「表現男人嘅另一面啦，其實我覺得一個男人溫柔同孤獨嘅時候好吸引，所以我會多啲表現鐵漢柔情呢一面。另外就係有一場連續打半個鐘，我肯定大家會好震撼。最好笑就係連田雞喺戲入面都會勁打，真係全組工作人員都估唔到。」
採訪：藍文浩 攝影：陳俊強
髮型：VinePang@ILColpo
化妝：FannieChan
服裝：TripleFiveSoul