香港人一年四季都照「滾」，不過，打邊爐始終要在天寒地凍時食最過癮！想更有風味，於街上來一個炭爐打邊爐，寒風吹過，一路食住暖笠笠，比起gas爐、電爐更好味。今個冬天，傳統的炭爐火鍋，加入藥膳魔鬼魚及冬蔭功豬骨新湯底，來個新舊crossover，擦出的火花比爐中炭燒得更紅。
記者：周靜雯
攝影：陳陶鈞
滋補!新鮮魔鬼魚
唔少人都怕打完邊爐會熱氣，不過，炭爐的火屬於「文火」，就好似燉亁鮑都是以文火來煮，火力平均且不會太猛，食完都唔會熱氣。至於湯底，來來去去都是沙嗲、芫荽皮蛋等，食得多都悶啦！「自己友火鍋」負責人阿翟就創製「藥膳魔鬼魚」湯底，配上炭爐火鍋，滋補而不燥。魔鬼魚本身腥味較重，配上藥材熬湯，除了可以辟去濃烈腥味，亦可增加進補效果。冬季正值魔鬼魚盛產期，最適合做湯底，肉質肥，而膠質油脂特別豐富，魚骨裙邊更是脆口。阿翟為了取得新鮮的魔鬼魚，每兩日就要到香港仔魚欄及向五、六位相熟的艇家取貨，「有時拎到的魔鬼魚真係大條到想像唔到！」
魔鬼魚斬件上碟，藥材湯底一滾起，就可整碟放入湯內。大約滾45分鐘，這啖擁有魔鬼魚精華的湯，怎會不甜！$128
彈牙!手打墨汁丸
有了好湯底，怎可以沒有靚食材？「自己友」的手打墨魚丸早已贏得一班食客歡心，用上新鮮游水墨魚手打成丸，入口彈牙，不會有吃粉糰的感覺。想試新口味的話，墨汁墨魚丸及wasabi墨魚丸就夠特別；在打墨魚膠時加入墨汁，拌勻後再弄成一粒粒丸狀，就好像黑色乒乓球，墨汁的香加上墨魚鮮味，吃得過癮。而wasabi墨魚丸，芥末不太多，煮熟後蘸點豉油，辣辣哋有少少嗆鼻，更能帶出墨魚丸的鮮甜；但不喜歡吃芥末的朋友，選擇原味及墨汁味會較好。當然，打邊爐絕對不能少了肥牛，這裏的牛頸脊，脂肪平均分佈在每片肉上，入口即溶。阿翟解釋，牛頸脊是牛頸旁邊等較少活動的部位，故有較多脂肪，且能平均分佈於肉上成雪花狀。為得靚肉，他更要到多個街市攞貨，「北角、西灣河同柴灣的街市都會去，想有貨畀客就要問晒成個港島東的街市了。」
看到牛頸脊上的雪花紋，就可以想像入口即溶的感覺，質滑肉味濃，比肥牛更令人難以抗拒。大$128、細$98
Ceci：怕湯藥材味較難入口，但又唔係喎。一邊打邊爐一邊BBQ好得意。
自己友火鍋（81058050）
西灣河筲箕灣道117-119號H舖
時間：6pm開始營業
同場加映
海鮮BBQ
「自己友」開業一年多，起初以爐端燒為主，但很快就變成火鍋加BBQ。阿翟表示，餐廳多做街坊生意，「轉做火鍋後吸引到更多人客，始終打邊爐比較大眾化。」他建議人客一邊打邊爐一邊BBQ，「好多小朋友都鍾意BBQ，因為父母未必有時間帶他們去到郊外燒烤，但來這裏，普通出街食餐飯都有得BBQ，特別開心。」看着大蜆慢慢烤熟，蜆殼打開，露出肥美蜆肉，再噴上清酒，燒多陣就食得！蜆肉的鮮加上清酒的香，連大人都喜歡！還有龍蝦仔、帶子等全部即開即燒，保證新鮮。海鮮之外，亦有羊架、雞軟骨串等選擇。
炭爐名牌
鴻福新推泰式豬骨鍋
講到炭爐打邊爐，點可以唔提「鴻褔」？這間於土瓜灣開業超過四十年的火鍋酒家，一直堅持用炭爐，老闆何先生表示，只有用炭爐打邊爐，才不會熱氣，一年四季都適合。這裏除了炭爐打邊爐出名外，亦是不少吃得招積之人的天堂，因為這裏可以食到很多特別的火鍋食材，例如豬天梯、龍喉、豬腦、野生鹿筋、魚扣等，何老闆仲話有野生水魚食㖭！另外，炭爐燒烤都是唔少食客的至愛，兩個炭爐，一個滾一個燒，絕對雙重享受。提提各位，衣服好容易吸了炭爐的氣味，情況像韓國燒烤，若然食到熱脫去大褸，可以將它放入袋內，唔係就要晾番兩、三日吹走氣味了。
新推出的「泰式豬骨鍋」湯底，用上去皮豬腳骨，腳筋煙韌，冬蔭功湯酸酸辣辣，十分開胃。$98
龍喉其實係豬肺，放入湯滾約15分鐘，鮮味脆口。建議先將它放入煲，若煮得未夠時間，會相當韌。$30/碟
豬腦當火鍋材料，放在冬蔭功湯內滾約5分鐘，不但沒有腥味，更好像豆腐花一樣軟滑。$25
鴻福海鮮四季火鍋（23650112）
土瓜灣落山道86號C,地下
時間：6pm開始營業
（註：12月21冬至日休息）