一向弱質纖纖的2R,近日於漫畫家PatLee筆下化身成為打不死的女英雄,這本名為《Orius》的漫畫首先於網上訂購,稍後在美國發行,2R更擔任形象及服裝設計一職,漫畫內的造型全是由她們親手打造的。
二人組合2R最近於加拿大著名漫畫家PatLee筆下,化身成為兩個既性感又打不死的女英雄,Rosanne表示從來沒有想過可以成為漫畫人物,她說:「我哋因為一次活動而識咗PatLee,佢係有份參與《蝙蝠俠》、《超人》同《變形金剛》嘅漫畫家,後來我哋傾傾吓就構思咗個古仔出嚟,佢就負責幫我嘅畫,知道自己可以出漫畫書嘅心情真係好興奮。」
打不死女英雄
在漫畫中2R是一對人工智能的機械人,Race說:「我哋會消滅壞人,書入邊我哋兩個都好打得,甚至係打不死,現實生活中我哋,點練都唔會練到咁好武功。」
Rosanne指《Orius》這本漫畫會推出6個封面,fans們可以於 http://www.oriuscomics.com訂購,她透露現正籌備推出一系列T恤以及figure。為了成為漫畫女英雄,2R都花了不少心機,她們抽了一日時間拍了數百張相片,Race說:「由於Pat畫之前要好清楚我嘅面部表情,所以我哋有一日就影咗幾百張大頭相,好多表情好誇張又扭曲晒,呢啲相真係唔可以俾其他人睇到。」
形象近似羅拉
Rosanne指書中的形象設計全部由她們構思,書中她們以一個型格、性感的形象示人,她笑說:「我哋個style有少少似《盜墓者羅拉》,所以都有少少性感,同埋女仔始終貪靚,所以我哋就向PatLee提供少少服裝上嘅意見。」
採訪:李珮洳 攝影:陳慧安
化妝:Contact(AlvinGoh.com)
髮型:KateShek(HairCulture)
服裝及場地提供:Zadig&Voltaire