今年10月因藏毒同埋喺屋企種大麻被捕嘅38歲日本男星加勢大周，噚日喺東京地裁首度提堂，一臉鬍鬚嘅佢，神情落寞。加勢已經承認控罪，又表示當初因受離婚、藝名問題困擾而吸食毒品減壓。但控方指佢讀高中嘅時候，就已經有吸食興奮劑同大麻。案件會喺下周四宣判，加勢話從今以後會退出藝能界，返回北海道家重新做人。