江若琳（Elanne）和周柏豪日前在大坑拍攝電影《玩大咗》煞科戲，當晚劇情講述Elanne返家見到好賭成性的周柏豪在賭波，大發雷霆下關掉電視，結果兩人嗌交反面，不過現場所見Elanne不時忍不住笑。
Elanne表示前一日都是拍嗌交戲，幸好沒有聲沙，她說：「現實生活中我都唔鍾意人哋賭錢，搞到好似病態咁，連邊個係爹哋媽咪都唔知，冇晒理智。」她表示絕對不能接受男友涉及黃、賭及毒。
周柏豪掛住小肥
周柏豪則謂平時很少賭博，因為完全沒興趣，之前最多只是輸掉500元，他笑說：「我寧願慳啲錢用嚟買相機鏡頭，學多啲嘢好過去賭。」對於電影煞科，周柏豪坦言捨不得，他說：「我特別掛住小肥，因為同佢friend咗，𠵱家見唔到佢都好掛住佢。」
採訪：林惠卿
攝影：陳慧安