陳雅倫之前去上海出席《舞林大會》，佢話近排因為排舞，搞到體力透支兼瞓唔着，搞到眼光光，而佢已經緊記舞步，以為萬無一失，點知真正演出時發台瘟，一上到台，唔知係唔係過份緊張，腦袋一片空白，惟有硬住頭皮盡量發揮，好彩對手帶得好。比賽完咗後，佢全身散晒話﹕「雙腳腫到好似豬蹄，改着波鞋都行唔到。」