花旗股市升勢如虹，上禮拜五升完兩百幾點之後，前晚再升近300點收市，不過港股前日升咗過千點之後就有啲回吐，噚日跌番291點，報收14753，不過仲守住喺條50日線樓上，向好嘅形勢冇變。
A股近排升咗唔少，噚日都跌番啲，拖低咗H股嘅表現，不過，大幅炒高嘅股份都唔少，𠵱家係炒個別嘅格局，捉得到都會有唔錯嘅回報。國內煤炭供需雙方下周議訂明年煤炭價格，由於強調以市場定價，煤炭股可睇好。
神華C輪15373：神華（1088）昨收17.80元，升4巴仙，睇個勢會上試20元關，即係100日線水平，破位有機升上22元，可以諗吓隻C輪15373，隻輪昨收60仙，有效槓桿2.2倍。
正股升上22元，15373可見93仙，正股跌穿16元，就沽咗隻輪止蝕。
俊樺