香港人一向都好有愛心，賑災籌款例必踴躍支持。一向同聖雅各福群會合作無間嘅新鴻基地產（016）旗下SignatureHomes，近排得悉該會嘅食物銀行「眾膳坊」申領食物援助人數不斷上升，立即義不容辭，籌辦「SignatureHomes食物捐贈大行動」，鼓勵住戶慷慨解囊，幫助有需要嘅人歡度暖洋洋佳節。
SignatureHomes總經理江敏話，今次食物捐贈活動喺旗下物業，包括中半山帝景園、南區深水灣道51號同淺水灣127號舉行，住戶將捐贈出嚟嘅罐頭食物同亁糧，放入大會擺喺各物業管理處嘅食物收集箱，活動由上月底開始至本周二結束，維期半個月，管理處會將收集到嘅食物，轉送聖雅各福群會食物銀行。