電影《証人》一眾演員張家輝、謝霆鋒、廖啓智及鍾舒漫等，前晚於灣仔舉行慶功宴，慶祝開畫不足兩星期票房已邁向700萬元，身為爸爸級的家輝及霆鋒時常抱着戲中的小演員，盡顯慈父本色。
講黃色笑話
家輝許下諾言指票房突破800萬元，會自薦與霆鋒咀嘴，過一千萬元便裸跑，他更大講黃色笑話：「霆鋒同我一齊跑4×100，最緊要到時唔好交錯棒。」但霆鋒對於家輝的提議不太接受，他笑言：「同佢咀嘴我要問吓老婆肯唔肯，不過裸跑淨收入場費都過千萬，跑多幾個埠過億。」
此外，霆鋒透露其父謝賢欣賞過他的演出後與他握手，他說：「佢同我講我嘅演出係時間累積番嚟。」早前霆鋒有意與父親合作拍戲，問到他會否考慮叫囝囝、太太張栢芝以及母親狄波拉參與演出，他說：「咁嘅卡士我畀唔起錢，不過我拍咗個仔都唔會播出街，留番自己睇。」
採訪：張俊銘
攝影：葉君海