日本女星藤原紀香前日喺東京為下月公演嘅舞台劇綵排，首度擔正舞台劇嘅紀香，可謂博到盡。已經37歲嘅佢，喺劇入面除咗要做出提腿、一字馬等高難度動作，同諧星灘儀武仲有多場親嘴戲。不過，灘儀武對呢啲艷福睇怕都無福消受，仲話每次望住紀香嘅嘴唇，腦海中就會浮現出紀香嘅老公陣內智則個樣，令佢覺得好不安喎！