侯佩岑爸爸侯世宏（小圖）日前因心肌梗塞喺台南病逝，前日侯佩岑去到台南，喺亡父嘅靈堂逗留咗五、六個鐘誦經，之後就返台北。據知佢長跪亡父靈前，望住遺照一直泣不成聲。今朝佢會到台南出席爸爸嘅頭七儀式，下晝再趕返台北開工。侯佩岑之前話做嘢太忙，冇時間陪爸爸，點知𠵱家佢突然走咗，侯佩岑見唔到佢最後一面，感到好傷心。