謝婷婷昨日以模特兒身份為Valentino行騷，不是標準模特兒身形的她，更獲厚待以nudebra打底。婷婷透露市況雖然差，但工作機會都有不俗發展之餘，也看了幾個劇本，有意打入電影圈，她最想飾演殺手。
意國名牌Valentino昨日率先在銅鑼灣利園店，舉行09春夏時裝騷，謝婷婷以嘉賓模特兒身份，為旗下的RedValentino系列行騷，蔡卓妍（阿Sa）及泳兒則以嘉賓身份看騷。
正在審閱劇本
婷婷分別示範了多套新裝，當中不乏性格元素，不過她示範一件奶白色透視恤衫時，以nudebra打底，十分錫身。完騷後記者問她會否不戴nudebra真空上陣，她笑說：「都唔會。」問是否因為父親謝賢及男友的關係，她說：「唔係，係我覺得唔需要咁做，nudebraisfine，幾自然，我男友從來唔會提議，只係有時讚吓我，佢好簡單。」
市道不佳，婷婷透露工作量依然不俗，還打算進軍電影圈，她說：「睇咗幾個劇本，都想揀啱啲，畢竟第一次拍戲，都想搵啲有發揮空間，最想做殺手揸槍嘅角色。」問會否想走MaggieQ的路線，她說：「雖然唔知佢乜路線，不過都幾好，自己知個市唔好，𠵱家香港都係開緊一部戲，要搵都會搵啲有知名度嘅藝人做。」
泳兒不信靚仔
此外，一向身材好的泳兒穿上性感新裝，胸口露出一塊紅印，她說：「可能心口搽咗cream太香，引到昆蟲蚊，其實件衫已改到啱身，做晒防走光措施。」倪震日前被拍到偷食，問她會否接受不專一的男友，她說：「男人有時都會，最緊要知錯能改，我都試過有個男仔發同一個SMS，分別約我同我一個女性朋友，其實對靚仔冇信心，不過都希望將來會有一個靚仔男友。」
採訪：JessicaNgan
攝影：MatthewLam
